Rabattar på togbilletter

Rabatten tek utgangspunkt i prisen for ein fullt fleksibel vaksenbillett.

Enkeltbillett med studentrabatt

• Studentar under 30 år med gyldig studentbevis får rabatt på enkeltbillettar, og du må kjøpe/aktivere billetten før du fyller 30 år.
• Rabatten varierer mellom 10 og 50 prosent på utvalde billettypar. Uavhengig av rabatten vi gir, er det ein minstepris for billetten.
• Billettar er berre gyldige saman med godkjend legitimasjon.

Periodebillett med studentrabatt

• Studentar under 30 år, med gyldig studentbevis, får også rabatt på periodebillettar, og du må kjøpe/aktivere billetten før du fyller 30 år.
• Billettar er berre gyldige saman med godkjend legitimasjon.

Kven får studentrabatt?

• Rabatten gjeld for studentar under 30 år ved vidaregåande skular, universitet, høgskolar, folkehøgskolar, akademi og liknande læreinstitusjonar. Han gjeld også for elevar ved offentlege skolar og godkjende privatskolar av liknande art som dei offentlege.
• Frå 1. juli 2026 får lærlingar under 30 år også studentrabatt. Du må kunne vise gyldig dokumentasjon på lærlingforholdet.
• Skulen må ha eit semester som varer minst tre månader. Studenten eller eleven må delta i vanleg undervisning, ikkje spesialkurs eller praktikantarbeid.
• Elevane må ha skule og studium som hovudaktiviteten sin, med mål om å fullføre ei ordinær utdanning. Elevar og hjelpepleieelevar får rabatt så lenge dei går på skulen.
• Rabatten gjeld også for studentar som studerer i utlandet. Dei same reglane og krava til legitimasjon gjeld som for studentar i Noreg. Har studenten ei godkjend gyldig stadfesting på betalt semesteravgift ved ein skule med semestervarigheit over tre månader, i Noreg eller utlandet, er kravet oppfylt når dei viser legitimasjon.
• Vaksne framandspråklege under 30 år som gjennomgår kurset «Norsk med samfunnskunnskap» får studentrabatt.
• Studentar ved undervisningsinstitusjonar som har fast stasjonær fulldagsundervisning på kvelden, og som ikkje er korrespondanseskolar får også studentrabatt.

Kven får ikkje studentrabatt?

Delfagselevar (hospitantar) og vaksne i full ervervsmessig stilling får ikkje rabatt. Ordninga gjeld heller ikkje korrespondanseskolar, kortvarige kveldskurs og etatsskolar (under Forsvaret, Postverket, osv.).

Skolebevis og legitimasjon

Alle må kunne vise ID-kort eller kopi av pass, i tillegg til skulebevis med gyldig semestermerke. Skuleelevar som ikkje har fått utdelt skulebevis, kan vise eit skriv der skulen dokumenterer at dei er elev ved skulen.

Vi godtek følgjande bevis på at du er student:

• Studiekort/bevis med gyldig semestermerke. Viss studentkortet/beviset er utan foto, må du kunne identifisere deg sjølv ved hjelp av annan gyldig legitimasjon.
• Attestasjon frå skole som stadfestar skolegang inneverande semester kan visast saman med bankkort, førarkort, pass eller annan godkjend legitimasjon med foto
• ISIC-kort (International Student Identity Card utferda av Kilroy) påført ein gyldig studiestad og perioden kortet er gyldig

ANSA-kort gjev ikkje rett til rabatt.

Når er studentbeviset gyldig?

Studentbevis for vårsemesteret, eventuelt eit heilt skoleår (med skoleavslutning i mai/juni) er gyldig til og med 31. august same år. Studentbevis for haustsemester er gyldig til og med 31. januar året etter.

Studentar får desse rabattane:

• Enkeltbillett: 50 prosent rabatt
• Periodebillett: 50 prosent rabatt på 30-dagars periodebillett, ingen rabatt på 7-dagars periodebillett
• Lavpris: Ingen rabatt
• Flex: Ingen rabatt
• Flex Refunderbar: 50 prosent rabatt
• Pluss: Ingen rabatt
• Pluss Refunderbar: 10 prosent rabatt (minstepris er 349 kr)
• PlussNatt: Ingen rabatt
• PlussNatt Refunderbar: 10 prosent rabatt (minstepris er 579 kr)
• Sove: Ingen rabatt
• Sove Refunderbar: 10 prosent rabatt (minstepris er 450 kr)

Reise med ein annan operatør enn Vy eller med lokaltransport?

• For reiser i Oslo og Akershus, gjeld takstreglane til RuterEkstern lenke.
• For reiser med Go-Ahead, gjeld takstreglane til Go-AheadEkstern lenke.
• For reiser med SJ, gjeld takstreglane til SJEkstern lenke.
• For reiser på lokaltog i Hordaland, gjeld takstreglane til SkyssEkstern lenke.